SCÉALTA CHORCAÍ: An Ghaeilge agus an Ghaeltacht i bplean nua Chomhairle Chontae Chorcaí

Sheol Comhairle Contae Chorcaí caipéis an tseachtain seo cháite, Plean Eacnamaíochta agus Pobail Áitiúil an Chontae 2024-2030, agus is caipéis tabhachtach é nó is é an léarscáil forbartha don chontae ar feadh an tréimhse sin.

De réir na h-údair - oifigigh agus comhairleoirí an Chontae agus grúpa ionadaithe ó eagrais éagsúla ar fuaid an chontae, is ar an chaipéis seo a bheidh an Comhairle ag filleadh chun cinntí maidir le caiteachas agus buiséid as seo go 2030 agus, dá réir sin, má bhíonn do cheantar nó do chúis luaite sa phlean, tá leat. 

Is beag tagairt atá ann don Ghaeltacht agus don Ghaeilge, rud a tharlaíonn go minic sna pleananna seo. 

Ach tá ceithre mhír ann a fhéadfaí a rá go bhfuil tagairt ann don Ghaeilge nó don Ghaeilge iontu. Níl siad uaillmhianach is féidir a rá. 

Faoi choimirce na Seirbhíse Leabharlainne agus Ealaíon, tá sé i gceist go mbeadh grúpaí comhrá á reachtáil i leabharlannaí an chontae.

Tá sé beartaithe freisin go mbeadh meitheal oibre ann le h-aghaidh ceantair tuaithe agus an Ghaeltacht. 

Moltar go mbeadh imeachtaí le h-aghaidh Seachtáin na Gaeilge á reachtáil agus, an ceathrú ceann, go dtabharfaí tacaíocht do chláracha agus do thionscnaimh a chuireann an Ghaeilge chun cinn agus a thacaíonn lei. 

Más grúpa a bhionn ag plé leis an nGaeilge agus leis an nGaeltacht sibh, seo an gormchló le h-aghaidh d’iarratais ar mhaoiniú agus ar thacaíocht ón gComhairle.